Құқық пен тәрбиенің өзара байланысты әрекеті негізінен жанама түрде тәрбиеге араласқан ата-аналар мен ұстаздар арқылы іске асырылады.

Қ.И.Сәтбаев атындағы орта мектеп-гимназисында қаңтар айының 15-19 аралығында «Жасөспірімдер арасындағы құқық бұзушылық пен қылмыстың алдын-алу – басты міндет» атты апталығы болып өтті. Апталық барысында сыныптарда құқықтық тақырыпқа байланысты сынып сағаттары өткізілді. Бұларға қосымша 9-11 сыныптардың сынып жетекшілер өз сыныптарында «Оқушылар арасында тәртіп бұзу және оның салдары» тақырыбында әңгіме-сұхбат түрінде әңгімелесу, түсіндіру жұмыстарын жүргізді. Сынып жетекшілер тәрбие сағатында мектеп қабырғасындағы оқушылардың мектеп ережесін сақтауы, қоғамдық ортада өзін-өзі ұстау мәдениеті, жеке бас мінез-құлқы мен психологиялық хал-ахуалдарының нормаларына , жасы кәмелетке толмағандар арасында кездесетін қылмыстық істерге және олардың баптары тоқталып, түсіндірме жұмысын жүргізді.
Қаңтар айының 11 күні 5-7 сынып оқушыларымен жасы кәмелетке толмағандар жөніндегі инспекторларымен кездесу өтті. Полиция подполковнигі Қ.Нұрлыбекова «Ақсу ауданы бойынша жасөспірімдер арасындағы құқық бұзушылық» тақырыбында дәріс оқыды. Аудан бойынша жасөспірімдер арасында тіркелген қылмыстық істерге тоқталып өтті. Оқушылардың қысқы мезгілде кешкі сағат 2000-ден кейін үлкендерсіз жүруге болмайтынын қатаң ескертті. Оқушылар сұрақтарына жауап берілді. Аудан бойынша темекі шегу және оған шектеу қою, оқушылар арасындағы бопсалаудың алдын алу, ойын –сауық орындарында 2000-ден кейін болмау туралы мәселелерге түсіндірме жұмыстарын жүргізді. Егер түнгі уақытта екінші рет ұсталса, оқушылардың ата-анасына айыппұл салынатынын қатаң ескертті. Кездесу соңында оқушылардың қойған сұрақтарына жауап беріліп, түсіндіру жұмысы жүргізілді.