Төкен Абдіқадірова атындағы мектепішілік математика пәнінен олимпиада

Төкен Абдыкадырова атындағы  мектепішілік 
математика пәні бойынша олимпиадасы
2022 жылдың 20 сәуір күні мектеп – гимназияда ардагер ұстазы Т.А.Абдыкадырова атындағы мектепішілік математика пәні олимпиадасы өткізілді.  Олимпиада мақсаты – мектебіміздің дарынды оқушыларын анықтау, дамыту және қолдау көрсету болып табылды. 
Аталған олимпиада Садыкова Эльмира Толеухановнаның ұйымдастыруымен 4-ші мәрте өткізіліп, ұстаздың оқушысы Ахметова Гульжахан Хасеновна және ұрпақтары /балалары және немерелері/ демеушілік жасады.
Олимпиада қорытындысы бойынша 5 -сыныптар бойынша: Жармұханбет Алихан, 6- сыныптар бойынша: Жетпісбай Жанерке, 7- сыныптар бойынша: Жарқынқызы Аяна, 8 - сыныптар бойынша: Рымжанұлы Бауыржан, 9-сыныптар бойынша: Диасқызы Диана  жоғары ұпай жинап жеңімпаз атанды. Ұйымдастырушы комитет шешімі бойынша 5-сынып оқушысы Хасан Назерке, математика пәнінің мұғалімі Калибекова Айнур Мамалуковна арнайы сыйлыққа ұсынылды.