Қаныш Сәтбаев сынды ұлы тұлғаның есімімен мектебіміздің аталуы біз үшін үлкен мақтаныш. Жыл сайын 12 сәуір күні Қаныш атамыздың туған күнін мектеп болып, ерекше атап өту дәстүрге айналған.

Әрбір адамды, тұтас халықты ғұмыр бойы алға жетелейтін, тағдыр мен тарихтың бұралаң жолдарында қандай қиындықтарға тап болса да рухы мен үміті жанып, алыстан бағдар сілтеп жымыңдайтын да тұратын Темірқазық сынды жұлдыз тұлғалар болады. Қазіргі кез-келген қазақ баласы үшін, барша қазақ халқы, тіпті бүкіл адамзат ұрпағы үшін Қаныш Имантайұлы Сәтбаев  - тұтас дәуірдің жұлдыз тұлғасы.
  Қаныш Сәтбаев  қазақ жерінің қойнауындағы барлық пайдалы қазбаны тауып,  кен орындарын ашып, геология саласын дамытқан,  сан-салалы ғылымның басын қосып, алғаш Қазақ Ғылым Академиясын  құрған , қазақ елінде ғылымның дамуына өлшеусіз зор үлес қосқан   ұлы адам.
   Қаныш Сәтбаев сынды ұлы тұлғаның есімімен мектебіміздің аталуы біз үшін үлкен мақтаныш. Жыл сайын 12 сәуір күні  Қаныш атамыздың  туған күнін  мектеп болып,  ерекше атап өту дәстүрге айналған. Биыл да Қаныш Имантайұлы Сәтбаев атындағы орта мектеп-гимназиясындағы директордың орынбасары Касенова Гульмира Тынышбекқызы  бастауыш сыныптың 4-сыныптар арасында Қаныш Сәтбаевтың 125 жылдығына орай  12-сәуір күні "Қаныш Сәтбаев  - ұлт мақтанышы' атты ашық тәрбие сағатын өткізді.Өтілген ашық тәрбие сағатында 4 "А" сынып оқушылары Қаныш Сәтбаевтың атқарған ерен еңбегімен,  Қаныш Сәтбаев туралы деректі мағлұматтармен бейнебаян арқылы танысып, өз білімдерін ортаға салып,  "Бала Қаныш" атты қойылымды ерекше шеберлікпен орындап шықты.  Оқушылар картадан Қаныш Сәтбаев ашқан кен орындарын дәл тауып,  білімділіктерін көрсетті.