Бастауыш сынып пән бірлестігінде директордың орынбасары Г.Т. Касенованың ұйымдастыруымен «Шымшыма шырағы – балалар өмірінде» тақырыбында ардагер ұстаз Молдабаева Гүлбаршын Сүлейменқызынына еңбек жолына арналған тәрбие сағаты өткізілді.

Мектеп – гимназиямызда 26.01.24 ж  бастауыш сынып  пән бірлестігінде  директордың орынбасары Касенова Гульмира Тынышбекқызының  ұйымдастыруымен «Шымшыма шырағы – балалар өмірінде»  тақырыбында  ардагер ұстаз Молдабаева Гүлбаршын Сүлейменқызынына  еңбек жолына   арналған тәрбие сағаты өткізілді.Тәрбие сағаты барысында өз ісінің маманы бола білген ардагер ұстазымыздың  еңбек жолы туралы,  шығармашылығы туралы  ой қозғалды. Ұлағатты ұстаздың 45 жыл еңбек етіп, еңбегі сіңген, ұстаздардың ұстазы, Қазақстан Республикасы Білім беру ісінің үздігі, Аға мұғалім бола білгендігі,  «Жыл мезгілдері», «Әдет-ғұрып, салт-дәстүр туралы өлең-жырлар» атты кітабы жас ұрпаққа тәлім-тәрбие беруде көмегі бар әдістемелік құрал болып табылатындығы, тұсау кесу жыры, төрт түлік мал, жаңылтпаштар мен мазақтамалар, айтыс түрлері оқушылардың шығармашылық әлеуетін дамытуға, өзіндік көзқарасын қалыптастыруға, табиғат таңғажайыптары туралы ой-өрісін, қызығушылығын арттыратыны  септігі зор екендігі кеңінен айтылды.  Тәрбие сағаты  оқушылардың шығармашылық өнерлерімен жалғасын тапты.