Сыңғырла соңғы қоңырау…

25.05.2026 жыл Сыңғырла соңғы қоңырау…Ия бұл үнді “соңғы” деп тек оқу жылының сәтті аяқталған күніне арнап айтамыз.Оқушылар тағы бір жылды артқа тастады. 1 -ші сыныпта үйрену, бейімделу кезеңі еді 2 -ші сыныпта қалыптасу, төселу болды. Ендігі кезекте міндеті екенін түсініп, қимастықпен жазғы демалысқа аттанып барады. Шеңбер құрып тілек айтып, демалыста қауіпсіздік ережелерін сақтаудың түрлерімен танысып, сұрақ - жауап әдісі арқылы ойларын ортаға салуда.
Жыл бойғы еңбектері мен білім сапасына қосқан үлестеріне шолу жасалды. Әркім өз деңгейін, білімін, тәртібін, қосымша алған білімін саралап, нәтижесіне қарап болашақта жаңа оқу жылына бұдан да артық дайындықпен келіп, жұлдыздар шеруінің қатарына қосылатындықтарына сөз берді.
Осы сәтте директордың оқу - ісі жөніндегі орынбасары Касенова Гүлмира Тынышбекқызы өзінің әр сыныпқа жеке - жеке кіріп оқушылардың жетістіктерін елеп, алғыс хаттарын табыстап, өз тілегін жеткізу мақсатында келгенін айтып, оқушыларды ортаға алып ақыл - кеңесін беріп, жігерлендіріп, шабыттандырып бізді де қуантып кетті.
Соңында әр оқушы өз мақсаттарының бар екенін айтып тағы бір таңдандырды. Біз бала ғой әлі деп жүрген балаларымыз мақсат қойып, жоспар құрудан да шебер екендіктерін көрсетті!
2 “Б” сынып жетекшісі Камиева Б. К