«Арпалыс» кітабы желісінде оқушылар арасында эссе конкурсы

7 желтоқсан күні Ақсу аудандық білім бөлімі және Әскери комиссариатының жоспарына сәйкес, Кеңес Одағының Батыры, халық қаһарманы, даңқты қолбасшы, қазақтың көрнекті жазушысы – Бауыржан Момышұлының 110 жылдық мерейтойына орай, Александр Бектің «Арпалыс» кітабы желісінде оқушылар арасында эссе конкурсы өтті. Сайыс нәтижесінде Қ.И.Сәтбаев атындағы орта мектеп-гимназиясының 9-сынып оқушысы Нұртөлеу Ақтоты 1-орын, 10-сынып оқушысы Жайлаубек Камал 2-орын, 9-сынып оқушысы Бердібек Мира жүлделі 3-орынға ие болды. Жеңімпаздарға Ақсу ауданының Қорғаныс істері жөніндегі бөлім бастығы, подполковник Б.Ермуханбетовтың атынан арнайы грамоталар мен сыйлықтар табысталды. Мектебіміздің оқушыларына жетекшілік еткен – дене шынықтыру және АӘД пәнінің мұғалімі Молдабергенов Талғат Борамбайұлы.